Заходнеафрыканская кампанія
Заходнеафрыканская кампанія | |||
---|---|---|---|
Асноўны канфлікт: Афрыканскі тэатр Першай сусветнай вайны | |||
![]() | |||
Дата | 1914 — 1916 | ||
Месца | Тога, Камерун | ||
Вынік | Перамога Антанты. | ||
Праціўнікі | |||
|
|||
![]() |
Захо́днеафрыка́нская кампа́нія Першай сусветнай вайны — захоп войскамі краін Антанты германскіх калоній у заходняй і цэнтральнай Афрыцы.
Становішча перад пачаткам вайны
[правіць | правіць зыходнік]Перад пачаткам Першай сусветнай вайны ў Германскай імперыі было дзве калоніі ў Цэнтральнай і Заходняй Афрыцы: Тогаленд і Германскі Камерун. Яны былі з усіх бакоў акружаны тэрыторыямі, падкантрольнымі будучым ворагам Германіі: Францыі, Бельгіі і Вялікабрытаніі. Германія толькі-толькі прыступіла да засваення гэтых зямель, і не мела дастаткова сіл для іх абароны.
Тогаленд
[правіць | правіць зыходнік]![](http://upload.wikimedia.org/wikipedia/commons/thumb/d/d1/Togo_Campaign_WWI_New_York_Times_August_1915.png/100px-Togo_Campaign_WWI_New_York_Times_August_1915.png)
У Тогалендзе не мелася войскаў, там былі толькі паліцэйскія сілы. Пасля пачатку вайны туды ўварваліся брытанскія войскі з Залатога Берага і французскія войскі з Дагамеі. 22 жніўня 1914 года імі была атакаваная радыёстанцыя ў Каміне, і мясцовы германскі камандуючы капітуляваў праз чатыры дні, папярэдне аддаўшы загад аб знішчэнні радыёстанцыі і прасачыўшы за яго выкананнем.
Германскі Камерун
[правіць | правіць зыходнік]![](http://upload.wikimedia.org/wikipedia/commons/thumb/b/ba/Kamerun_Campaign_Map_New_York_Times_August_1915.png/100px-Kamerun_Campaign_Map_New_York_Times_August_1915.png)
У Германскім Камеруне знаходзілася каля тысячы нямецкіх салдат, і каля 3 тысяч салдат-афрыканцаў. З пачаткам вайны брытанскія войскі атакавалі Камерун з тэрыторыі Нігерыі, рухаючыся трыма рознымі маршрутамі, аднак атакі ўсіх трох калон былі адбітыя германскімі войскамі, якія выкарысталі ўмовы мясцовасці і тактыку засад. Французскія войскі атакавалі Камерун з тэрыторыі Чада і захапілі Кусеры. У пачатку верасня франка-бельгійскія войскі ўзялі Лімбе, а 27 верасня, пры артылерыйскай падтрымцы ад брытанскіх і французскіх крэйсераў — эканамічную сталіцу калоніі горад Дуала. У чэрвені 1915 года брытанцам здаўся германскі гарнізон горада Гаруа.
Адзіным буйным цэнтрам германскага супраціўлення застаўся Яўндэ. Бельгійска-французскія сілы рушылі ўглыб кантынента ўздоўж трасы будаваўшайся немцамі чыгункі, адбіваючы па шляху атакі германскіх войскаў, і ў лістападзе 1915 года ўзялі горад. Большасць германскіх салдат адступіла ў нейтральную Іспанскую Гвінею, дзе былі інтэрнаваныя да канца вайны. Апошні нямецкі апорны пункт у Камеруне капітуляваў у лютым 1916 года.
Літаратура
[правіць | правіць зыходнік]- «Заморские театры Первой мировой войны» — ООО «Издательство АСТ», 2003. ISBN 5-17-018624-X.